Kinderyorn

[klezmer]

Zumertsayt. Es flit a feygl
Dortn vu s’iz fray un hoykh
Geyt mayn bobe in fatsheyle,
Brengt mir kaykelakh mit yoykh.

Shaynt di zun, der vintl veyet
Un es tsertlt mayne hor.
Un der tate mit der mamen —
Zaynen zey di shenste por.

Kh’shpring fun freyd af der kanape
Vayl di veter iz gor sheyn.
Kuk ikh af a greyse mape,—
Ergets kh’bin nokh nit geven.

Lebn nokh di zeydes-bobes,
Kh’veys nokh nit fun shmerts un payn,
Kh’hob nokh nit gefirt a libe,
Kh’hob nokh nit getrunken vayn.

Ot mayn shvester iz geboyrn
Kuper-royt, azoy vi ikh,
Zumershprenklekh, broyne oygn.
Lakht zi hoykh un loyft zi gikh.

Bald der tate nemt mayn hentl,
Un er brengt mikh ibern brik
Tsu dem hoyz vu s’lebt mayn libe
Un mayn goyrl — di muzik.

Kinderyorn, zise yorn
Kumen zey in kholem oft.
S’iz der prekhtikster zikorn
Vos mir trogn bizn sof.

New York, May 2011.

Comments

[klezmer.livejournal.com]

א שיינעם דאנק אייך פאר אייערע ווארעמע ווערטער און א שטיקל אייצע! זאל אלעס זיין גוט ביי אונז אלעמען - דעם זומער און ווייטער